Nonlik quymoq (french toast)

Tabiiy hamirturush bilan tayyorlangan non 1 haftalardan keyin biroz eskirib, suvi qochib qoladi. Lekin huddi shunday nondan nonushta uchun eng mazali nonlik quymoqlar chiqadi. Uy sharoitida hamirturishlik non tayyorlash shu yerda ko'rsatilgan.

Kerakli masalliqlar:

1.Kesilgan nonlar

2. tuhum

3.dolchin va vanilin

4.sut

5. zaytun yog'i 

6. ta'bga qarab tuz

Tayyorlanishi:
1.Tuhum, sut va boshqa masalliqlarni yahshilab aralashtiramiz.  
2.Tovani qizdirib ozgina zaytun yog'i solamiz.
3.Kesilgan nonlarni tuhumlik suyuqlikka bo'ktiramiz va qizib turgan yog'da pishirib olamiz.

Odatda ko'pchilik nonlik quymoqlarni zarang darahti siropi (maple syrup), asal, murabbo, shirin qaymoqlar bilan tanovvul qilishadi. Lekin biz shirinliklarsiz istemol qilishga o'rganganmiz. Hohlovchilar albatta turli sog'lom qo'shimchalar bilan yeyishlari mumkin.

 

Undirilgan marjumak/grechkalik kasha/pilaf

Juda ko'p hollarda asosiy taom tayyorlanganda ovqatning bir qismini oq guruch yoki makaron tashkil qiladi. Oq guruch va marakaron (hoh oq bo'lsin hoh qora undan bo'lsin) nosog'lom oziq ovqatlar guruhidan hisoblanadi. Ular o'rniga uglevodlardan to'g'ri tayyorlangan marjumak, jigarrang guruch, quinoa yoki turli sabzavotlar ishlatish mumkim.

Turli don yoki unlarni to'g'ri tayyorlash usullar haqida mana shu yerda ko'proq o'qib o'rganish mumkin.

Undirilgan turli don foydalari va ularni qanday tayyorlash  haqidagi kerakli ma'lumotlarni mana shu yerdan topsa bo'ladi.

 Biz tayyorlaydigan kasha/pilafga undirilgan va quritilgan marjumak/grechka kerak bo'ladi.

 quritilgan undirilgan marjumaklar

 Kashani asosiy ovqatni bir qismi sifatida yoki bir o'zini alohida taom sifatida ham tayyorlasa bo'ladi.

Masalliqlar:

1 stakan undirilgan, quritilgan marjumak

1 ta tuhum (yahshilab aralashtirgani)

1-2 qoshiq zaytun yog'i (yoki saryog', kakos yog'i)

Yarimta piyoz yoki kichkina bitta 

sarimsoq bo'laklari

1 stakan har hil mayda to'g'ralgan sabzavotlar, ta'bga qarab (kartoshka,sabzi, goroh, makka donalari)

1 qoshiq pomidor pastasi, yoki mayda to'g'ralgan pomidor

Ziravorlarda: tuz, murch, turmeric, garam masala.

Tayyorlanishi:

1. Marjumak va tuhumni aralashtirib, tovada pastroq olovda tuhum suyug'i qurib bo'lguncha aralashtiramiz. 

2. Alohida qozonda  piyozni qizirtiramiz, sekin asta sarimsoq va boshqa sabzavotlarni ham qo'shamiz. Ziravor va pomidor pastasini qo'shib biroz qovurib, marjumak va tuhum aralashmasini ham qo'shib, ustidan 1 stakan suv quyamiz. Marjumak yumshab pishguncha past olovda miltillatib, dimlab qaynatamiz.

Pishgach turli ko'katlar bilan dasturhonga tortamiz.

asosiy ovqat: kotlet, kasha va sauerkraut

Nonushta- tuhum bilan kasha (non o'rniga)

Undirilgan no'hatlardan hummus tayyorlash.

Undirilgan turli dukkaklik va donlarni foydalari, ularni qanday tayyorlash  haqida avval aytib o'tgan edik. Kerakli ma'lumotlarni shu yerdan o'qib chiqish mumkin.

 Bugun undirilgan no'hatdan yumshoq, mayin va mazali hummus tayyorlash haqida yozamiz.

 

Kerakli masalliqlar

2 stakan undirilgan, pishirilgan no'hat

1/4 stakan limon suvi

1/4 stakan tahini

1-2 ta sarimsoq bo'lagi, maydalangani

2 osh qoshiq zaytun yog'i

1/2 choy qoshiq tuz (yoki ko'proq)

1/2 choy qoshiq zira maydalangani

1/4 stakan yoki ko'proq filterlangan suv

salat ustiga :qizil bulg'ori qalampir kukuni va zaytun yog'i

 Tayyorlash jarayoni:

Hummusni bir hilda silliq va yumshoq chiqishi uchun no'hat po'stini  olib tashlash kerak.

1. Blender yoki food processer'ga tahini va limon suvini solib 1 daqiqa aralashtiramiz. Silliq, suyuq holatga kelishi kerak. 

2. So'ng zira, yog', sarimsoq maydalangani, tuzlarni ham solib 30 soniya aralashtiramiz. Bir qator idish yonlarini ham tozalab, yana 30 soniya aralashtiramiz.

3. No'hatlarni yarim stakandan boshlab solib, aralashtirishni boshlaymiz. Kerak bo'lsa suv quyamiz. Tayyor hummus yumshoq, mayin, o'rtacha suyuq-quyuqlikda bo'lishi kerak.

Ustiga qizil bulg'ori qalampiri kukuni, zaytun yog'i, zaytun mevalari solib dasturhonga tortish mumkin.

Sog'lom ovqatlanish asoslar: Dukkakliklarni undirish va ulardan turli taomlar tayyorlash.

Dukkakliklar (chapdan o'ngga): No'hat, yasmiq, mosh va loviya)

Dukkakklikar tarkibida bir qator foydali ozuqalar bo'lishi bilan bir qatorda talaygina zararli moddalar ham topiladi. Shuning uchun don va dukkakliklarni istemol qilishdan oldin albatta o'sha zararli moddalarni kamaytirish yoki yo'qotish uchun ularni ivitish, undirish yoki fermentlab olish kerak. Bundan tashqari dukkakliklarni doimiy kundalik istemol qilish ham yahshi emas,  balki vaqti vaqti bilan meyorida foydalanib turilgani ma'qul.

Donlar, dukkakliklar va urug'lar undirilganda foydali ozuqalari bilan sog'lom ovqatlar guruhidan o'ziga yarasha o'rin topa oladi. Undirishning foydali tomonlaridan ba'zilar:

•  Undirilganda don va dukkakliklardagi  fitin kislotasi sezilarli kamayadi yoki yo'qoladi. Fitin kislotasi  zink, magniy, kalsiy, temir, fosfor kabi minerallarni  hazm qilish tizimida o’ziga biriktirib oladi, va bu minerallar ichaklarda so’rilmay qoladi. Doimiy shunday holat bo’lsa odamda minerallar yetishmovchiligi kelib chiqadi.
• Undirilgan don, urug' va dukkakliklarda vitaminlar C va B, karotin va boshqa ozuqa moddalar ham ko'payib boyib boradi.
• Undirilgan don, urug' va dukkakliklarni hazm bo'linishi osonlashadi. Oqsil va tolalar sifati ham yahshilanadi.
• Unib chiqish jarayonida urug'ning krahmal tuzulmasi o'zgaradi, murakkab shakarlar parchalanadi. Undirilmagan don va urug'lardagi mana shu krahmal va murakkab shakarni parchalanmaganligi sabab hazm qilish tizimida gaz to'planish yuzaga keladi.

Dukkakliklarni undirish uchun ularni avval yahshilab yuvib 12 soat ivitilinadi. So'ng suvini to'kib yuborib, toza suv bilan yahshilab chayqab, hamma suvini  tugatib o'rta hona haroratida qo'yib, ustiga sochiq yopib qo'yamiz (havo o'tkizadigan narsa bo'lish kerak).

Har 5-6 soatda yoki kamida 1 kunda 2 marta yana yuvib, yuvib, suvini ohirigacha to'kib toza joyga qo'yamiz. Sekin sekin unib chiqishni boshlaydi. 3-4 kunlarda unib chiqadi.

 Undirilgan dukkakliklarni, hususan moshni homlicha istemol qilsa bo'ladi salatlarga qo'shib. Yoki turli taomlarga qo'shish mumkin.

Undirilgan mosh va yasmiq (lentil, mercimek)dan kotletlar tayyolasa bo'ladi.

 Yana undirilgan mosh va yasmiqlar bilan turli ziravorlar va to'q yahshil barglilar va sabzavotlar qo'shib ham taom (sprouted bean curry) pishirisa bo'ladi.

 

 Undirilgan no'hatlardan ham kotletlar, to'yimlik hummuslar tayyorlasa bo'ladi.

Sog'lom ovqatlanish asoslari: Turli glyutensiz donlarni undirish va ulardan taomlar tayyorlash.

 Glyutensiz donlar (chapdan o'ngga):

jigarrang guruch, quinoa, tariq (millet) va marjumak (grechka)

Donlar va dukkakklikar tarkibida bir qator foydali ozuqalar bo'lishi bilan bir qatorda talaygina zararli moddalar ham topiladi. Shuning uchun don va dukkakliklarni istemol qilishdan oldin albatta o'sha zararli moddalarni kamaytirish yoki yo'qotish uchun ularni ivitish, undirish yoki fermentlab olish kerak. Bundan tashqari dukkakliklarni doimiy kundalik istemol qilish ham yahshi emas,  balki vaqti vaqti bilan meyorida foydalanib turilgani ma'qul.

Donlar, dukkakliklar va urug'lar undirilganda foydali ozuqalari bilan sog'lom ovqatlar guruhidan o'ziga yarasha o'rin topa oladi. Undirishning foydali tomonlaridan ba'zilar:

•  Undirilganda don va dukkakliklardagi  fitin kislotasi sezilarli kamayadi yoki yo'qoladi. Fitin kislotasi  zink, magniy, kalsiy, temir, fosfor kabi minerallarni  hazm qilish tizimida o’ziga biriktirib oladi, va bu minerallar ichaklarda so’rilmay qoladi. Doimiy shunday holat bo’lsa odamda minerallar yetishmovchiligi kelib chiqadi.
• Undirilgan don, urug' va dukkakliklarda vitaminlar C va B, karotin va boshqa ozuqa moddalar ham ko'payib boyib boradi.
• Undirilgan don, urug' va dukkakliklarni hazm bo'linishi osonlashadi. Oqsil va tolalar sifati ham yahshilanadi.
• Unib chiqish jarayonida urug'ning krahmal tuzulmasi o'zgaradi, murakkab shakarlar parchalanadi. Undirilmagan don va urug'lardagi mana shu krahmal va murakkab shakarni parchalanmaganligi sabab hazm qilish tizimida gaz to'planish yuzaga keladi.

Biz asosan glyutensiz donlarni undirib, meyorida istemol qilishga harakat qilamiz.

glyutensiz donlar: jigarrang guruch, tariq, marjumak va quinoa

Eng oson undirilgan donlar bu  marjumak (grechka, buckwheat) va quinoa hisoblanadi.

Birinchi hom (qizdirilmagan, raw) marjumakni yahshilab yuvib tozalash kerak. Keyin suv bilan 30-50 minutga ivitib qo'yamiz.

 

 So'ng suvni to'kib yuboramiz, marjumakni nam holatda idishga solib, ustini sochiq bilan yopib, o'rtacha hona haroratidagi oshxonaga qo'yamiz. Har 5-6 soatda yoki kamida 1 kunda 2 marta (kechasi va ertalab) marjumakni bir qator yuvib, suvini yahshilab to'kib yuborib, sochiq yopib tindirib qo'yamiz.

 

 1 kunda sekin unish jarayoni boshlanadi. 2-3 kunda yetarli unib chiqish kerak.

Tayyor bo'lgan marjumaklarni idishlarga solib 1 haftagacha sovutkichda saqlash mumkin.

Yetarlicha undirilgan marjumaklarni homligicha istemol qilish mumkin. Smuzi, har hil salat yoki ichimliklarga qo'shish bilan.

 

Yoki duhovkani  eng past olovida quritib olib, turli ovqatlarga qo'shish mumkin.

 quritilgan undirilgan marjumaklar

 Quritilgan marjumaklardan kasha, pilaf tayyorlash mumkin.

 Undirilgan marjumak, ivitilgan tariq (millet), jigarrang guruch bilan yapaloq non (flatbread)  yoki krakerlar ham qilish mumkin.

 Undirilgan marjumaklardan oladi (pancake) ham yahshi chiqadi.

Marjumaklik oladi (Pancakes)

 

  

Marjumak (Grechka, Buckwheat) bu glyuntensiz urug'/don hisoblanadi. U temir, ruh, magniy, selen kabi minerallarga boydir. Marjumakni eng yahshisi undirib yoki ivitib ishlatish kerak.

Un yoki donlarni istemol qilishdan oldin nega ivitish yoki fermentlash kerakligi haqida mana shu yerda ko'proq o'qish mumkin.

Undan sutli ovqat, palov yoki guruch o'rniga ovqatlar yoniga qo'yib istemol qilish mumkin. Biz ko'proq undirilgan marjumakdan oladi, blinchiklar va krakerlar qilyapmiz. Quyida undirilgan marjumakdan oladi (pancake)lar qilish ko'rsatilgan.

Masalliqlar:

 1 stakan undirilgan marjumak (yoki 12-24 soat ivitilgani)

1/2  stakan kefir yoki qatiq

2 ta tuhum

2 osh qoshiq eritilgan kakos yog'i (yoki saryog')

1/2 choy qoshiq dengiz tuzi

1 choy qoshiq soda

1 qoshiq vanilla

1 osh qoshiq kakos uni (agar hamir suyuqroq chiqda kerak bo'ladi)

undirilgan marjumak

Marjumakni undirish jarayoni quyidagi mavzuda yozilgan.

Tayyorlanishi:

1. Undirilgan marjumakni (yoki ivitilgan bo'lsa bir qator yuvib) kefir/qatiq bilan blenderga solamiz va suyuq, silliq hamir holatiga kelguncha aralashtiramiz.
2. Cho'yan tovalarni/yapaloq qozonlarni o'rtachadan balandroq gazda qizdiramiz. Hamirga boshqa masalliqlarni qo'shishdan avval tovalar qizigan bo'lishi kerak.
3. Hamirga tuhumni solib biroz aralashtiramiz, keyin soda, tuz, vanilla, yog'larni qo'shib pastroq tezlikda yahshilab aralashtiramiz.
4. Agar hamir suyuqroq bo'lsa kakos uni qo'shish mumkin.
5. Tayyor hamirni 2 osh qoshiqdan olib qizib turgan tovalarda pishirib olamiz. Tovani yengilroq yog'lab olish kerak boshida.
6. Marjumaklik oladi'lar sekinroq pishadi oddiy bug'doy unidan ko'ra. Bir tomoni yahshi pishgandan keyin ikkinchi tomonini ham yengilroq jigarrangga kirguncha pishirib olinadi.
7.  Oladi'ni saryog' va asal (maple syrup), pishirilgan meva, krem, yong'oq yog'lari bilan yeyish mumkin. 
8. Ortib qolgan oladi'larni muzlatkichda saqlash mumkin, kerak bo'lganda duhovkaga solib "broiler" da tezda isitib olish mumkin.  

Turli donlardan tayyorlangan blinchiklar.

Odatda blinchiklarni faqat ivitilgan bug'doy unidan qilar edik, yaqinda glutensiz turli donlarni ivitib qilib ko'rdik va bizga juda yoqdi. 

Har doimgiday turli un, donlarni albatta ivitib yoki undirib pishirganimiz uchun bu blinchiklarni ham shu usulda tayyorladik.

Un yoki donlarni istemol qilishdan oldin nega ivitish yoki fermentlash kerakligi haqida mana shu yerda ko'proq o'qish mumkin.

Kerakli masalliqlar:

1/2 stakan undirilgan, hom marjumak donlari (grechka, buckwheat)

1/2 stakan ivitilgan tariq (millet) 

1/4 stakan ivitilgan jigarrang guruch (brown rice)

1 stakan kefir (yoki boshqa biror sut mahsuloti)

Maza berish uchun chimdim dolchin, vanilin

1/2 choy qoshiq tuz

1/2 choy qoshiq soda

2 tuhum

1-2 osh qoshiq kakos yog'i

Tayyorlanishi:

Marjumakni undirish oson (2-3 kunda unib chiqadi). Undirishni imkoni bo'lmasa unda kamida 12-24 soat  filterlangan suvga lemon suvi yoki qatiq/kefir zardobi qo'shib ivitish kerak. Tariq va jigarrang guruchni ham 12-24 soatga filterli suv + limon suviga ivitamiz.

Blinchik pishirish payti kelganda hamma donlarni yahshilab yuvib, blenderga solib kefir bilan aralashtiramiz. Suyuq, tekis hamir chiqishi kerak. Keyin boshqa masalliqlarni ham solib aralashtiramiz blenderda. Qizib turgan cho'yan tovalarda (boshida ozgina yog' solib) pishirib olamiz.

                   

 Bu blinchiklarni tayyorlash uchun yuqorida qayd etilgan donlardan boshqalari bo'lsa ularni ham qo'shib pishirib sinab ko'rish mumkin.
Bizni oilaga bug'doy unidan tayyorlangan blinchiklardan ko'ra mana shunday turli ivitilgan donlar aralashmasidan tayyorlangan blinchiklar yoqdi. Shu bilan yana bir glyutensiz taom qo'shildi doimiy oziq ovqatlar taomnomamizga. Albatta meyori bilan.

Kundalik sog'lom taomlar (haftalik taomnoma)

 Har kuni sog'lom ovqat qilish ba'zida qiyin tuyuladi, ayniqsa  unchlik sog'lom bo'lmagan ovqatlarga o'rganganlarga. Bugun qanday ovqat qilsam ekan deb ba'zida odam o'ylanib vaqti ketadi.

Kunlik ovqatlar imkon qadar oddiyroq, kamroq vaqt oladigan, lekin vujudimiz uchun foydali ozuqlarga yetarli bo'lgan bo'lishi kerak. Ayollar, onalar uchun shu ishni oson qilishni bir usuli sog'lom oziq ovqat mahsulotlari bilan doimiy haftalik taomnoma tuzib olishdir. Taomnoma tuzish uchun haftaning har bir kuniga asosiy ovqat (qo'shimcha variantlari bilan) tanlab olinadi.  Albatta unga kerakli o'zgartirishlar, qo'shimchalar qo'shib borish mumkin. Quyida biz o'zimiz qo'llaydigan haftalik taomnomani misol tariqasida ko'rsatamiz. 

Haftalik Taomnoma 

(Haftalik taomnomada asosan kunning eng  asosiy taomi ko'rsatilgan, qo'shimcha ovqatlarga variantlar alohida beriladi.)

Dushanba: Nonushta Taom

Variantlar: Sabzavotlik-tuhumlik fritatta, sutli ovqat (jigarrang guruch va oshqovoq), organ go'shtlari qovurmasi...

Seshanba: Suyak sho’rvasi (go’shti va ko'p sabzavotlari bilan)

Ortib qolgani  1 haftalik tushlik.

Chorshanba: Dukkakliklar (no’hat, mosh, loviya, lentil)

Variantlar:  Moshkichir/Moshxo’rda, shavla, yasmiq/lentil supi, no’hat kotletlari...

Payshanba:  Turli millat taomlaridan.
(O'rtacha achchiq, turli ziravolar bilan)
Variantlar: Tovuq tikka masala,  qo’y go’shti curry, sabzavotlik curry, biryani, masala, pizza...

Juma:  Hohishga qarab go'shtsiz ovqat yoki yangi retsept kuni

Variantlar: olivye kabi salatlar, sabzavotlik burgerlar, pizza, yoki turli yangi retseptlar….

Shanba: Baliq va duhovkada pishirilgan sabzavotlar (kartoshka, shirin kartoshka, oshqovoq)

Yakshanba: Grill/Shashlik

Kunlik ovqatlar uchun variantlar:

Nonushta uchun: Tuhum (qaynatilgan, qovurilgan); Hash-browns (tovada pishgan qirg’ichdan o’tkazilgan kartoshka); sourdough non saryog’ va  pishloq; Omelet (tuhum bilan mayda tog’ralgan piyoz, shipinat, qo’ziqorin va ko’katlar) ; Fritatta (har hil sabzavotlar va tuhum/sut/pishloq); Sutli ovqat (guruch-qovoq); Pishloq, saryog’ va mevalar; Kefir smuzi, qatiq yoki tvorog; Tariq bo’tqasi (Millet); Ovsyanka bo’tqasi; Grechkalik blinchik*; Guruch pudding*; Kefir/qatiq tvorogilik pishiriqlar*. 

Nonushta uchun turli variantlarni mana shu yerdan ham ko'rib chiqishingiz mumkin.

Qo'shimcha (side dish)- fermentlangan/tuzlangan sabzavotlar (kimchi, sauerkraut) ; zukkini  fritters; sabzavotli burger; bruchette; duhovkada pishirilgan  kartoshka/shirin kartoshka (roasted) ; cole slaw (yashil va qizil karamlik salat); sabzavot salati kefir/avakado sousi bilan; zukkini  yong’oq uni bilan duhovkada ; sabzavot curry; makka uni noni (ivitilgan makka -cornmeal bread)*; qora un/javdari/spelt unidan tayyorlangan krakerlar*.

Asosiy ovqat (tushlik yoki kechki)- Bone broth (suyak shorvasi); Tovuq sho’rva; Lentil/no’hatlik sup; Tovuq va sabzavotlik stir fry, fermentlangan sabzavot bilan; Tovuq va sabzavot  curry; Moshkichir yoki  Moshxo’rda (ivitilgan mosh va gijarrang guruch bilan); Mastava (ivitilgan jigarrang guruch va ko’p sabzavotlar bilan); Dimlama (bug’langan qo’y go’shti, karam va sabzavotlar); Qovurma; Shavla (ivitilgan loviya va jigarrang guruch); Quinoa Pizza; No’hatlik burgerlar; Organ go’shti qovurmasi; Qovurilgan yoki duhovkada dimlangan baliq; Tuna Sandwich ; Golupsi; Olivye (tuhum va har hil sabzavolatlar); Gulkaram (tuhum bilan); Grill (gosht va sabzavotlar); Zukkini golupsi; Somsa (ivitilgan hamir, go’sht va sabzavotlar)*

Go’shtli yog’li non (sourdough hamir, yo’g va go’sht)

Endi shu ovqatlarni tayyorlash uchun kerakli bo'lgan mahsulotlar haqida qisqacha qoidalar.

Umumiy kunlik mahsulotlar:

1.Har-hil  sabzavotlar, ayniqsa to’q yashil bargli ko’katlar (pishgan, bazan hom) (turli minerallar va vitaminlar uchun)

2. Fermentlangan/tuzlangan sabzavotlar (vitaminlar, probiotiklar uchun)

3.Go’sht, baliq, tuhum va suyakli sho’rva (minerallar, vitaminlar, oqsil, yog’lar uchun)

4.Foydali/sog’lom yog’lar: saryog', avakado, zaytun, baliq, kakos yog’lari

5.Hom sut (raw) mahsulotlari: hom sut, pishloq, kefir, qatiq, suzma, saryog’ (kalsiy, yog’lari va boshqa vitamin, minerallari uchun)

6. Donlar/dukkakliklar- ivitilgan, fermentlangan bug’doy uni, guruch, grechka, tariq.

7. Har hil yong’oq va urug’lar- ivitilgan va quritilgan yong’oq va ivitilgan/undirilgan urug’lar

8. Mevalar, tabiiy shirinliklar- meyorida mevalar, tabiiy qizidirilmagan asal, maple syrup, raparadura va quritilgan mevalar.

9. Qo’shimcha- cod liver oil, har hil dorivor dimlamalar, iod’ga boy suv o’tlari, kunjut yog’i (flax), bee pollen.

Shu kabi mahsulotlardan haftalik taomnoma/menu tuzib chiqish mumkin.

Qo’shimcha qoidalar:

Don, dukkakli (loviya, no'hat) va yong'oq, urug'larni oldin ivitib, undirib yoki fermentlab istemol qilish kerak.

Oyda 1 yoki 2 marta sog’lomroq shirinlik yoki hamirlik ovqat

Haftada 4-5 marta jismoniy shug’ullanish (30-60 minut uzoqligida)

Doimiy sunnat/nafl ro’zalari tutish

Intermittent fasting (12-16 soatlik ro’za tutishlik faqat suv bilan, ohirida jismoniy shug’ullanib keyin ovqatlanish) haftada 1-2 marta

To’yib ovqatlanmaslik

Yemaslikka harakat qilish kerak bo’lgan oziq ovqatlar guruhi:

1. Oq unlik ovqatlar (non, somsa, hamirli ovqatlar kabi)

2. Shakar yoki har hil shirinliklar, ichimliklar (ahyon ahyonda maple syrup, asal, rapaduradan tashqari)

3. Har hil tayyor, yarim tayyor ovqatlar. Hususan turli unlardan (bug'doy, makka, grechka, guruch, suli) tayyorlangan non va non mahsulotlari, hatto qayta ishlanmagan qora (whole) bo'lsa ham. Chunki to'g'ri usulda tayyorlanmagan.

4. Qayta ishlangan o'simlik yog'lari.

5.Oshiqcha pasterizatsiyalangan sut va sut mahsulotlari.

6. Har hil sintetik vitaminlar

Glyutensiz Quinoa donidan tayyorlangan pizza.

  

Pizza hamirida kerakli masalliqlar:

1 stakan quinoa donlari

1 stakan iliq suv

1 qoshiq lemon suvi, yoki hom olma sirkasi qo'shimchasi (ivitish uchun)

1/2 stakancha filterli suv

2 qoshiq atrofida kakos uni

1 choy qoshiq quritilgan rayhon barglari, jambil, timyan (thyme) aralashmasi 

1 choy qoshiq dengiz tuzi

2 osh qoshiq zaytun yog'i

tovani yog'lash uchun yog' (kakos yog'i, qo'y yog'i yoki oddiy saryog').

   Pizza hamiri choyan tovada (cast iron skillet/griddle), duhovkada pishiriladi. Boshqacha idishda pishirib ko'rmaganman.

Tayyorlanish jarayoni:

1) 1 stakan quinoa bilan 1 stakan iliqroq suv+1 qoshiq lemon suvi bilan 24 soat uvitiladi, 24 soat ichida urug’lar unib chiqadi.

2) Keyin urug’larni yahshilab yuvib, chayqab, blenderga solib, ½ stakan suv, tuz, har hil quritilgan ko’katlar (rayhon), 2 qoshiq kakos uni ( oddiy urug’ ham bo’ladi) qo’shib yahshilab suyuq hamir holatiga kelguncha aralashtirilanadi. Ohirida 2  osh qoshoq zaytun yog’i qo’shiladi.

 3) Hamirni oldindan 450 F qizdirilgan duhovkada, qizdirilgan va yog’langan cho’yan tovalarda 10-12 minut pishirib olinadi. 2 ta katta tovada chiqadi.

4) Bir tomoni pishgan hamirni, boshqa tomonini ham 2 minutcha pishiriladi.
  Pizzani tepasiga hohlgancha qo'shimchalar solish mumkin: go'sht, sabzavotlar, tuna, pishloq va hakozo.

Biz ko'rsatayotgan pizzada qovurilgan piyoz, bulg'ori bilan go'sht va pishloq solingan.

Demak, 1 ta piyoz va rangli bulg'ori bilan ozgina qovuriladi.

  5) Piyoz va balgarskiydan tashqari yana pishirilgan tovuq yoki qo’y go’shti qo'shish mumkin. Sous uchun pomidor pastasi (tomato paste), maydalangan chesnos, har hil ko’katlar, tuz va ozgina suvlarni aralashtirib, qo'yiqroq sous qilib, pishgan pizza hamiriga yoyamiz.

6. Masalliqlar solingandan keyin hohlaganlar pishloq qo'shishlari mumkin. Va duhovkada yana 3-4 minut pishiramiz (yoki pishloq eriguncha)

 Pizza tayyor!

Original retsept manbasi shu yerda.